Pengawa bepilih mit DUN sitak Batang Ai deka dipenyadi kena 7 / 4 /2009. Arap meh bala kitai di Batang Ai ulih milih pengari ti amat ngarika kitai. Diatu, duit ti diberi pengari ukai jalai kitai kena mutuska runding milih pengarinya.
Meri duit tau dikumbai kitai makai suap. Lalu kitai enda tau nerima , niri, tauka negika pengari ti makai suap. Lalu anang enda ingat mega, pengari ti meri duit nya sigi duit rayat maioh baka aku enggau nuan.
Berapa maioh duit ti diberi pengari ka kita? Selalu iya, RM60. Anang enda ingat kita deka nguna pengari makai suap tu dalam kandang 5 taun / enti enda 2 taun nyema DUN dipadamka taun 2011 ila. Ok, enti nyema 2 taun, setaun = RM 30 tauka sebulan = RM 2.50, lalu sari semina RM 0.0833 aja.
Ukai kitai bansa maioh duit, tang RM 0.0833 enda nambah tauka enda ngurangka pemisis kitai. Ambi anang enda ngambi tang ingat, juluk kitai ukai duit, ukai MRP - atap zinc tauka ngeripair jambatan, juluk kitai ianya ngiga pengari ti ngarika bansa kitai.
Subscribe to:
Post Comments (Atom)
No comments:
Post a Comment