1. Dayak dalam PemetangSelalu kitai ninga, sida ngerusak, ngeremah lalu mechahka pengidup Dayak lalu tuju pengidup kitai diatu ianya PEMETANG. Utai tu selalu disebut, BN ngagai penyakal lalu disebut mega ari bagi sida penyakal ngagai BN. Tang kitai patut nemu, tuju penyakal di bisi bemunyi diatu ianya deka ngerarika Dayak ari tuai-tuai BN ti ngambi untung ti enda betatak enggau cara makai suap nengah polisi pemansang ti diatur BN diatu.
2. Tuju polisi pemansang BN Sarawak diatu amat-amat ninggalka bansa Dayak tang ngidupka bala suku juru (kroni) diri empu.
Maioh amat jaku ti dipanstka alai bala tuai-tuai politik Dayak beserekang kena ngulihka undi bala kitai Dayak. Nyadi pengujung ia, Dayak lalu pecah-belah . Bansa Dayak ngasaika pemerinsa lalu ditinggalka pemansang laban tuai-tuai Dayak enda meda diri sama diri ti Dayak, sida meda cura politik .
3. Nyadi ia ke patut, Dayak patut nemu diri Dayak lalau beamat-amat deka ngemansangka Dayak. Enti pengawa tu enda dikemaduka, kitai Dayak deka tepekul ba pemansang enggau penatai-pemisi lalu kitai amat-amat nuju pemetang.
4. Kitai patut nyingkang. Anang belampung ati. Dayak patut berakup nentuka tuju kitai. Kitai mesti bisi siti panggau. Panggau nya mesti Panggau Dayak. Anang mai bansa bukai. Patut kitai udah jera suba. Kitai enda tau enda nanya lalu tetemuka saut tentang nama tuju kitai? Kati kitai deka ngelakka kuasa politik ba jari bansa bukai aja? Kati kitai deka enggau urang besemekih nyadi kuasa ekonomi tauka kedua-dua iti utainya? Peninggi pelajar? Bakani ku kitai enggau adat basa kitai? Tauka kitai ngasuh penyerekang politik mecahka kitai ? Tauka enda kitai ngelakka kitai dipegai lalu dipecahka bansa bukai?
5. Enti nitihka patut, tiap-tiap iku tuai kitai Dayak, ngelengkaka pengawa politik ti semina ngayaka diri empu aja. Tu ptut bepun ari penemu diri ti enda ulih matak bansa diri. Anang agi minta 5 taun da, laban 45 taun ti udah pen enda ulih sida. Giga meh urang bukai ti landik lalu enda ngerakal bansa diri.
6. Nama reti pemansang ba Dayak deh? Kati kitai patut ngelakka Dayak terus belaya kena nyarikka baju politik pangan diri lalu enda ngira nasib bansa diri? Pama agi pengering beserekang tu dikena kitai nyerakupka bansa diri.
7. Enti kitai agi beserekang, enti kitai agai belaya ketegal politik enggau diri sama diri, enti kitai nadai Panggau Dayak dikena ngetanka pegai politik kita,bansa Dayak deka kena serang- bala Dayak empu ti bisi juluk ati enggau bala Dayak mega ti bisi utai ditanka – amat pen ia ke bendar, pengawa tu ukai ngangkatka bansa Dayak. Nya alai tuju kitai Dayak ianya Pemetang
Tuesday, February 17, 2009
Saturday, January 24, 2009
Penyerakup Politik Iban - Semina mimpi ?
1. Bansa kitai (Dayak), bisi 33 % ari semua rayat di diau di menua Sarawak. Kitai Dayak nguan semua bengkah menua ari Sematan ke Limbang di Sarawak lalu bisi mega ke ba Semenanjung din. Kitai Dayak diau di pasar-pasar besai lalu pia mega di entigis sungai.
2. Pemesai menua (geografi) magi bansa kitai lalu ngasuh kita bepechah enda baka bansa Cina ti maioh agi diau ba pasar.
3. Kati kitai tau ngasuh geografi, penatai aki ini menya, ai sungai siti-siti, pegai pengarap tauka politik kitai ngasuh kitai bebagi ?
4. Ba geografi, amat aku urang Sri Aman, tang aku tetap bansa Iban baka bala menyadi aku ari Julau. Pia mega amat aki-ini aku datai ari ulu Batang Rajang tang aku agi meh bansa Iban baka bala menyadi aku ti datai ari Skrang. Pia mega amat aku tu urang Kristian RC, menyadi aku ti SIB, SDA tauka ti agi megai pengarap lama aku agi bansa Iban baka sida.
5. Nama ti ngasuh bansa kitai balat bebagi deh? Politik? Amat ke enda?
6. Ba pengawa bepilih besai DUN tu tadi, enda tentu nyengala ga kitai bansa bebagi. Kebuah pia laban semua penuduk Dayak sigi diberi kitai ngagai bansa Dayak semina siti di Pelagus, enggi bansa kitai tang diberika bansa urang.
7. Nya alai, kati amat kitai Iban (Dayak) enda berakup? Jangka aku enda pia. Kitai sigi berakup ngelamatu. TANG.. Kitai berakup ngena cara ti meri undi ngagai pengari kitai Dayak ti enda meda/ngemata/nyaga bansa kitai.
8. Ari ni pun kitai bakanya? Laban kita nadai panggau agi alai kitai nunjukka penyerakup kitai baka maia agi bisi PBDS suba. Jangka aku PBDS sigi siti parti politik ti ulih nyerakupka bansa kitai.
9. Nya alai kitai patut berunding lebuh pengawa bepilih DUN ti deka datai. Kitai patut bisi panggau alai kitai mantaika penyerakup Iban.
10. Iban berakup enti ditesau tau ngiraukan maioh bengkah urang. Ingat kita, maia bepilih besai, radio Iban enda kala nyambut talipaun tang semina macha fax aja. Tu meh nunjukka kitai agi diketakutka urang. Tu meh pengering kitai enti kitai betesau lalu beserakup.
11. Kitai Iban patut bisi sumpah penyerakupka bansa kitai. Sumpah ti nanchang kitai ngambi kitai nemu ari ni penatai kitai, nama pangkat rama kitai, pengarap ti dipegai kitai, ai ti endur kitai diau, nuan, aku,enggau iya sigi IBAN ... urang asal menua tu empu.
Mupuk aku
Jentau Injin Langit, Apai Naga Melit, Peti Menani ti Memunyi Manah Dedinga, Pedang Jungkang Pengeremang Remang, Pemumpung Pala Raja, Bum Angin,Bum Muta, Mechanka Menua Ngerubuhka Nengeri.
2. Pemesai menua (geografi) magi bansa kitai lalu ngasuh kita bepechah enda baka bansa Cina ti maioh agi diau ba pasar.
3. Kati kitai tau ngasuh geografi, penatai aki ini menya, ai sungai siti-siti, pegai pengarap tauka politik kitai ngasuh kitai bebagi ?
4. Ba geografi, amat aku urang Sri Aman, tang aku tetap bansa Iban baka bala menyadi aku ari Julau. Pia mega amat aki-ini aku datai ari ulu Batang Rajang tang aku agi meh bansa Iban baka bala menyadi aku ti datai ari Skrang. Pia mega amat aku tu urang Kristian RC, menyadi aku ti SIB, SDA tauka ti agi megai pengarap lama aku agi bansa Iban baka sida.
5. Nama ti ngasuh bansa kitai balat bebagi deh? Politik? Amat ke enda?
6. Ba pengawa bepilih besai DUN tu tadi, enda tentu nyengala ga kitai bansa bebagi. Kebuah pia laban semua penuduk Dayak sigi diberi kitai ngagai bansa Dayak semina siti di Pelagus, enggi bansa kitai tang diberika bansa urang.
7. Nya alai, kati amat kitai Iban (Dayak) enda berakup? Jangka aku enda pia. Kitai sigi berakup ngelamatu. TANG.. Kitai berakup ngena cara ti meri undi ngagai pengari kitai Dayak ti enda meda/ngemata/nyaga bansa kitai.
8. Ari ni pun kitai bakanya? Laban kita nadai panggau agi alai kitai nunjukka penyerakup kitai baka maia agi bisi PBDS suba. Jangka aku PBDS sigi siti parti politik ti ulih nyerakupka bansa kitai.
9. Nya alai kitai patut berunding lebuh pengawa bepilih DUN ti deka datai. Kitai patut bisi panggau alai kitai mantaika penyerakup Iban.
10. Iban berakup enti ditesau tau ngiraukan maioh bengkah urang. Ingat kita, maia bepilih besai, radio Iban enda kala nyambut talipaun tang semina macha fax aja. Tu meh nunjukka kitai agi diketakutka urang. Tu meh pengering kitai enti kitai betesau lalu beserakup.
11. Kitai Iban patut bisi sumpah penyerakupka bansa kitai. Sumpah ti nanchang kitai ngambi kitai nemu ari ni penatai kitai, nama pangkat rama kitai, pengarap ti dipegai kitai, ai ti endur kitai diau, nuan, aku,enggau iya sigi IBAN ... urang asal menua tu empu.
Mupuk aku
Jentau Injin Langit, Apai Naga Melit, Peti Menani ti Memunyi Manah Dedinga, Pedang Jungkang Pengeremang Remang, Pemumpung Pala Raja, Bum Angin,Bum Muta, Mechanka Menua Ngerubuhka Nengeri.
Subscribe to:
Posts (Atom)
